આજકાલના ખાનપાન અને ગતિવિહિન જીવનશૈલીના કારણે આપણા શરીરમાં અનેક પ્રકારની સ્વાસ્થ્ય સમસ્યાઓ થાય છે. આવી સમસ્યાઓ દૂર કરવા માટે ફળ અત્યંત ફાયદાકારક નીવડે છે. આવા ફળો માં એક જાંબુ છે જે ઉનાળાની ઋતુ ની સ્વાસ્થ્ય સમસ્યાઓ દૂર કરવા માટે અસરકારક સાબિત થાય છે. તેનું સેવન શરીર માટે ટોનિક જેવું કામ કરે છે. આ પિત્ત ની સમસ્યાઓ દૂર કરે છે અને પાચન ક્રિયાને મજબૂત બનાવે છે સાથે જ શરીરની ઘણી બધી બીમારીને દુર કરવામાં પણ મદદ કરે છે. તો ચાલો મિત્રો આજે આપણે જાણીએ ગરમીમાં જાંબુ ખાવાના ફાયદા વિશેની સંપૂર્ણ માહિતી.
એનિમિયા:- જો તમને લોહીની ઉણપ હોવાના કારણે એનીમિયા રોગ થયો હોય તો જાંબુ ખાવાથી શરીરમાં હિમોગ્લોબીન વધે છે અને એનિમિયાથી બચાવ થાય છે.
શરદી-ઉધરસ:- વિટામિન સીથી ભરપૂર આ ખાટું મીઠું ફળ શરદી ઉધરસ ને રોકવામાં અને ગળામાં થતી સમસ્યાઓ થી છુટકારો મેળવવા માટે અત્યંત પ્રભાવશાળી છે.
કોલેસ્ટ્રોલ:- વિટામિન સી અને ખનીજ તત્વોથી ભરપૂર જાંબુનું સેવન બ્લડપ્રેશર અને કોલેસ્ટ્રોલ લેવલને કંટ્રોલમાં રાખે છે.
વજન ઘટાડે:- એક અધ્યયન પ્રમાણે વજન અને સ્થૂળતા થી ગ્રસ્ત લોકોને 12 અઠવાડિયા સુધી દરરોજ સુક્કા જાંબુ ખાઈને લગભગ બે કિલો વજન ઓછું કર્યું હતું સૂકા જાંબુ ઊર્જાનો શ્રેષ્ઠ સ્ત્રોત છે. આ મોડા થી પહોંચે છે અને લાંબા સમય સુધી ભૂખ નથી લાગવા દેતા.
બ્લડ પ્રેશર:- આમાં હાજર હાય પોટેશિયમથી બ્લડપ્રેશર નિયમિત કરવામાં મદદ મળે છે. 100 ગ્રામ સૂકા જાંબુ માં 745 મિલીગ્રામ પોટેશિયમ ઉપલબ્ધ હોય છે. અધ્યયન કર્તાઓએ તેમના અધ્યયનમાં મેળવ્યું કે સુક્કા જાંબુને પલાળીને માત્ર આ જ ખોરાક ખાતા દર્દીઓમાં બ્લડપ્રેશર નિયંત્રિત કરવામાં મદદ મળી હતી.
લીવર:- જાંબુમાં હાઈ ફાઈબર હોવાના કારણે આ લીવર ડિસઓર્ડર ના ઇલાજમાં પણ સહાયક બને છે. લીવર સેલ્સ ડેમેજ હોવાના કારણે લિવર એન્જાઇના લેવલમાં વધારો હોય તેવા લોકો પર અધ્યયન કરવામાં આવ્યું. આ લોકોને ત્રણ સુક્કા જાંબુ આપવામાં આવ્યા જેને આખી રાત પલાળીને રાખ્યા હતા. આઠ અઠવાડિયા પછી પરિણામ જોવા મળ્યું કે આ લોકોના લીવર ની બીમારીઓમા ફાયદો થઇ રહ્યો હતો.
હાડકા :- સૂકા જાંબુ બોરોન નો સારો સ્ત્રોત છે, જેનાથી હાડકા ના ઘનત્વ ને સુધારવામાં મદદ મળે છે. એક અધ્યયન પ્રમાણે સૂકા જાંબુ ખાવા થી નબળા હાડકાની ખનિજ ઘનતા ધરાવતા દર્દીઓમાં સૂકા જાંબુ ખાવાથી હાડકાના ટર્નઓવર માર્કર્સના સીરમ સ્તરમાં ઘટાડો થયો હતો.
ત્વચા:- મિત્રો જાંબુનું સેવન કરવાથી ત્વચામાં ચમક વધે અને ત્વચા સાફ અને સુંદર બની રહે છે, જાંબુમાં એન્ટીઓક્સીડેન્ટ અને વિટામિન સી હોય છે જેનથી ત્વચાને વધારે લાભ થાય છે. આ સાથે જ જો તમે જાંબુનું સેવન કરો છો તો તેનાથી દાંત અને પેઢા પણ મજબુત થાય છે.
ડાયાબિટીસ:- આજકાલ ખોટા ખાનપાનને કારણે નાની ઉંમરમાં જ ડાયાબિટીસની સમસ્યા થાય છે, જો તમે કુદરતી રીતે બ્લડ સુગર લેવલને નિયંત્રિત કરવા માંગો છો તો તમારે જાંબુનું સેવન જરૂર કરવું જોઈએ. જાંબુમાં ઓછી ગ્લાયકેમિક સામગ્રી હોય છે જે બ્લડ સુગર લેવલને કંટ્રોલ કરવામાં મદદ કરે છે.
(નોંધ:- જો તમને કોઈ પ્રકારની બીમારી હોય અને આમાંથી કોઈપણ વસ્તુની એલર્જી હોય તો આ ઉપચારને અપનાવતા પહેલા એકવાર ડોક્ટરની સલાહ અવશ્ય લેવી. આવી સ્થિતિમાં ડોક્ટરની સલાહ ફરજિયાત છે.)
